"الأهلى"
يا خاطف العيون
وسايقهم ع الجنون
وصاحب البطولات
بميت شكل ولون
الناس ازدادو حيرة
ايه سر الجزيرة
فن ولعب ومهارة
مش وراهم غير دى سيرة
هل اللعب الجنان
ولا الجمهور كمان
ولا اسم الاهلى يكفى
ليكون بطل الزمان
أستاذ فوز البطولة
لساهم فى سنة أولى
معرفوش ازاى يا اهلى
الصعب عندك سهولة
الغيرة ملت قلوبهم
ورمو ع التحكيم عيوبهم
وآهو قطر الأهلى ماشى
اكسب وللوهم سيبهم
وأنا مهما اقول واعيد
الكلام عنك مديد
ولا يكفينى مدحك
دانت حبك فى الوريد
ليست هناك تعليقات:
إرسال تعليق
"ما يلفظ من قول إلا لديه رقيب عتيد"