هروب رئيس تونس! .. بهذا فاجئتنا الأخبار
أيقدر الشعب أن يثور .. ويُلحق بالظلم انهيار؟
ألهم أن يصطفوا .. ويعلو الهتاف بإصرار؟
فليس هذا بحلمٍ .. إنما واقع أحرار
فالحرية لن تكون .. بصمتٍ أو إنتحار
فلنجعل صورة صفحتنا .. دعوة لكل الثوار
***
في يوم خمسٍ وعشرين .. سنحشد كل الميادين
ونهتف ارحل يا مبارك .. ونردد حتى حين
ظنوها مجرد صورة .. ومجموعة شباب بائسين
في "كلنا خالد سعيد" .. و "رصد" مجرد تافهين
وظننتُ رغم عزمي .. ألا أجد مجـيـبـيـن
فجاء اليوم المعهود .. وأزال الشكَ اليقين
***
بنزول جمعٍ كبير .. يطالب بالتغيير
وحين أوهنهم فرقتهم .. وحدهم ميدان التحرير
وسقط أول شهيد .. في السويس المستثير
حتى جرى الدماء .. في المحافظات كثير
وعلت صرخة الغضب .. على الطاغي الحقير
***
وعن الإيذاع المصري .. يبث فيلمًا حصري
يكتمون صوت الشعب .. ويحمون من بالقصرِ
فنسوا انتصار الحق .. عصرا تلو عصرِ
فلم يقولوا صدقا .. وزادونا بعسرِ
فلم يقولوا صدقا .. وزادونا بعسرِ
***
وظل سلاحهم يدوي .. ويعلن علينا المعارك
وظل الصوت يعلو .. ويزداد من يشارك
(ارحل يا مبارك .. السعودية في انتظارِك)
وكأن لم يسمعنا .. ولم يبلغ مدارك
***
فعيَّن حكومة شفيق .. وتمسك هو بالعرش ِ
وظل الدم يسيل .. وبمال الشعب يُرشي
أعوانه إذ اجتمعوا .. يناصرونه بالغشِ
(إرحل يعني امشي .. ياللي مبتفهمشي)
***
فبث الذعر في البلاد .. وإتهم بها الكرام
وبث الفتنة والشك .. وضاقت بنا الأيام
ولكن الشعب تعلم .. طريق الحرية المُرام
وبكل صبر وعزم .. هتف الشعب بسلام
(اعتصام اعتصام .. حتى يسقط النظام)
وصارت يد مينا .. تمسك بيد إسلام
الله أكبر فوق .. كل متجبر ظلام
***
وفي آخر خطاب .. شد علينا المصاب
واستعد كل الأحرار .. لسلك طريق الصعاب
إلى عقر دار الظالم .. انتقل شيوخٌ وشباب
والنصر من عند الله .. إذ وضع فينا الأسباب
***
وجاء بخبر التنحي .. من يُدعى عمر سليمان
يا لقوة الشعب .. يا لفرح البلدان
يا لاستعادة مجد .. يسْطره تاريخ الزمان
فقد أسقط الشعب .. جبروت حاكم كان
وليس إلى السعودية .. بل بين يدي سجان
ولكن حاول الغدر .. مجلس عسكري جبان
لازال يطمع الحكم .. وخان العهد خان
وشن حرب نفسي .. وفكري فهو مُدان
استمر فوق السنة .. أشعلوا بها النيران
***
ولكن إرادة الشعب .. أتت بالرئيس المراد
به دهاءا وحكمة .. وعزم واستعداد
فهزم جمع السوء .. وأزال دستور أوغاد
قدوة وولي صالح .. يخشى رب العباد
يحسن فعلا وقولا .. ولا ينسى المعاد
اللهم فأعنه دوما .. وهون عليه الشداد
ووفقه لما ترضى .. ورد كيد الأعاد
فحمدا لله حمدا .. فالله خير هاد
وهذه حكاية وطن .. نفديه سكن الفؤاد
ياسلام ياسلام
ردحذفاتحرمنا من هذا الفن يا دكتورة الاء ,,
كل سنة وانتى طيبة وعيد سعيد عليكى
وياريت نشوف الاء التريكاوية الكبيرة مرة اخرى ,,
فى رعاية الله
أستاااااااااذ طاااااهر
ردحذفعلى فكرة كنت أكاد أوقن إنه حضرتك
((حضرتك بردو مبتعرفش تتنكر))
كل سنة وحضرتـــك طيب عيد سعيد عليكو ان شاء الله
على فرة حضرتك منوووووووور :)
بس حضرتك نسيت تقول شكرا على الموضوع :D
ردحذفاتمنى تكون بخير حضرتك والاسرة كلها
في حفظ الله
المدونة منورة بناسها يا دكتورة الاء ,,
ردحذفوانا قلت "اتحرمنا من هذا الفن " يعنى احسن من شكرا كمان ,,
بس عشان حضرتك وعشان الشعر الجميل ده ,, نقول شكراشكرا شكرا شكرا شكرا شكرا شكرا ,, لحد بكرة الساعة 2 الظهر وبعد كده نقول رائع رائع رائع رائع رائع ,, اى خدمة .. مش حارمين حضرتك من حاجة اهوه ,,
وحضرتك عرفتينى برغم انى لابس لبس مختلف ,, وحضرتك مش واخدة بالك من لبس العيد الجديد ,, هاههههه
انا اصلا دخلت بالعضوية ده قبل كده هنا ,,فاكيد عرفانى ,, هاهاهاها
كل سنة وحضرتك والاسرة الكريمة طيبة وسنة سعيدة ان شاء الله
ههههههه لحظة
ردحذفهو مش حضرتك اللي كنت بتدخل باسماء غريبة تقول (شكرا على الموضوع)عشان كدا بقول انك المرادي نسيت تقول
انا مش عرفت حضرتك عشان yazo بس كنت متوقعة اصلا ان حضرتك هتكتب كومنت ليلة العيد والله :D
وحضرتك طيب وبالصحة والسلامة .. واتمنى تكون حضرتك بخيير دايما
وانا اللي بشكر حضرتك على مروك الكريم
^ـ^ في حفظ الله
لاء انا توقعاتي صح على فكرة
ردحذفلو مكنش دا حضرتك اشمعنى اول لما سالته اذا كان هو حضرتك دخلت باسمك :D
مش انا.. انا مش ليا غير الاسم ده بدخل بيه وكمان انا لازم ارغى شوية يعنى مش بقول "شكرا على الموضوع " واسكت هاهاهههه ,, وتوقعاتك سليمة .. مش ممكن مش اعيد على الدكتورة الاء ..
ردحذفوان شاء الله هتابع جديدك باستمرار ..
ومبروك للاهلى الصعود ..
فى رعاية الله ..
مش انا خالص يادكتورة الاء .. انا اول مرة ادخل من فترة اصلا امبارح المدونة .. وانا مش ليا غير الاسم د فقط
ردحذف:( اها طب اسفة على سوء الفهم
ردحذفوشكرا لحضرتك
الله يبارك في حضرتك
اللي بنعمله في الناس هيطلع عليينا ولا اييييه :D
ردحذفايه دا يا دكتورة ؟!!
ردحذفانتي كنتي نايمة لمدة سنة ونصف ؟!!
وأنا عندي اعتراض علي الجزء الأخير
لسه بدري أوي علي ما نقول الكلام دا علي الرئيس
وبلاش نعمل فرعون تاني .
كل سنة وانتي طيبة بمناسبة العيد
ويارب تكوني فرقعتي بلونات كتيرة
وريني شطارتك ونشوف هتعرفيني ولا لاء
كل سنة وانت طيب يا طاهر
ردحذفوإن شاء الله تكون بخير وبأفضل حال
هههههه لاءااااا مبحبش حد يشتغلني
ردحذففعلا مدة كبيرة بس انا اعمل ايه يعني ما حضرتك اللي مش راضي/راضية تقول/تقولي
وايوة انا شابفة مرسي كدة ومش معنى ان رئيس اختاره الشعب وحبه وشافه قدوة صالحة انه بيعمل فرعون جديد لان احنا حبينا فيه صلاحه ويوم ما هنشوف منه غير كدا اكييد رأينها هيتغير
بس انا عن نفسي بثق فيه والناس التقية ولا بيهمها كرسي ولا مدح :)
كل سنة وحضرتك طيب/طيبة
وبعدين سبحان الله اول مرة حضرتك تكتب/تكتبي كومنت كبير
مين حضرتك بقى؟؟ ^ــ^
طيب يعني حد من المنتدى اكيييد
ردحذفمين بقى بليييز هفضل اقول الاسماء كلها :D
يشتغلني ؟!! طالبة في طب وتقولي يشتغلني !!
ردحذفطبعاً كلامك غلط وتحيز وتعصب بلا وعي ( مجرد تعصب أعمي )
اللي بيعمل فرعون يا دكتورة هما اللي دايماً بيهللوا
للأشخاص عمال علي بطال .
خير الأمور الوسط يا دكتورة
لا اطراء زائد عن الحد وبلا أي داع , ولا انتقاد دون وجه حق
معرفتنيش يا دكتورة !! دا انتي حتي مش عارفة الكلام المكتوب
يكتبه واحد ولا واحدة !
وياتري غلط اني أرد برد طويل شوية ؟ ( مع اني مش شايف فيه طول خالص لأنك لو رجعتي بصيتي تاني هتلاقيني مش مكمل نصف السطر في كل جملة )
حد من المنتدي ؟ منتدي ايه يا دكتورة ؟
فكري يا دكتورة واعصري مخك شوية .
ولو معرفتيش بردو , نشوف طاهر هيعرفني ولا هيطلع زيك !!
أولا: على كلمة يشتغلني عادي يعني كنت بهزر وطلبة طب زي باقي الناس على فكرة
ردحذفثانيا: حضرتك بتقول اطراء زائد عن الحد وبلا أي داع بس انا كتبت دا بمناسبة اقالة طنطاوي والخطاب اللي قاله بعدها ((يعني كان فيه داعي)) وعموما انا لا زلت افتخر بيه دانا حتى كنت بفكر اعمل فصيدة ليه لوحده مع ان مش من عادة قلمي المدح :D
واعتقد اني لما اقول رأيي بكل صدق في محمد مرسي دة لا هو تعصب ولا تحيز بلا وعي بدليل ان يوم ما محمد مرسي يعمل حاجةغلط هبقى انتقدها واعتقد اني كنت ايام الانتخابات في الجولة الاولى ضده
وانا اتعودت اني اكتب ما أحس فقط
ثالثا: مش سهل اني اعرف اللي بيكتب الكلام مين من مجرد كلمة (شكرا على الموضوع)
رابعا: طبعا مقصدش من كلمة كومينت طويل انه غلط او غير مرحب بيه بس بردو دي قلتها من باب الهزار لان حضرتك كنت بتكتب شكرا على الموضوع واكيد مرحب بحضرتك وكومنتاتك أيا كانت نقد أو شكر طويل أو قصير
وهو عموما مش طويل بس بالنسبة لكومنتات حضرتك السابقة طويل
خامسا: حضرتك بتسلم على استاذ طاهر ولو حضرتك تعرف استاذ طاهر او منتظر ان هو يعرفك يبقى من الطبيعي اتوقع ان حضرتك من المنتدى
سادسا: ممكن وسيلة مساعدة :D
سابعا : مش فهمت قصد حضرتك من قولك ((هيطلع زيك)) بس عموما لو حضرتك مش حابب تقدم نفسك فدة أمر يرجعلك واحترم رغبتك
وحضرتك منور .. في حفظ الله
ايه كل دا يا دكتورة ؟! دا انتي طبيعة ردودك كلمتين ونص .
ردحذفاتعلمتي الردود الطويلة دي امتي ؟!! لا وبقيتي تعلقي علي كل كلمة تقريباً !! كويس فيه بعض التقدم ( كدا أنا ساعدتك شوية في معرفة مين أنا . وطالما انتي كتبتي لحد سابعاً , أرد أنا كمان لحد سابعاً .
أولاً : يمكن أكون عدو ليكي أو واحد مضايق منك ( وانتي لسه معرفتنيش لحد دلوقتي ) وبالتالي فكلمة بتشتغلني ( اللي قلتي انك بتهزري ) غلط . لأن غلط انك تهزري مع حد انتي متعرفيهوش .
ثانياً : التعصب الأعمي والتحيز الشديد يكون أيضاً بصدق ( أنا لم أقل أنكِ تنافقيه بكلامك هذا عنه )
أما عن اقالة طنطاوي وعنان , فمازال الأمر غير واضح المعالم تماماً حتي الأن ( اوعي تنسي انه قبلها بأسبوع واحد طنطاوي كان موجود في الحكومة الجديدة ) وعلي فكرة لو فيه واحد ضد حكم العسكر في مصر , لازم يكون الشخص دا أنا ( مساعدة تانية يا دكتورة )وبخصوص كتابتك لما تحسين به فقط , اجعليها بصورة وسطية وعقلانية ولا تجعلين الهوي يتحكم فيما تقولينه ( آفة الرأي هي الهوي )
ثالثاً : لم أكتب عبارة شكراً علي الموضوع في ردي عليه .
رابعاً : هذه هي أول مرة أقوم فيها بالتعليق هنا في مدونتك كلها ولم يسبق لي أن وضعت أي تعليق .
خامساً : ربما أكون أنا أيضاً أقصد الشخص الخطأ , ويطلع طاهر اللي أنا عايزه غير طاهر الموجود هنا .
سادساً : قدمت ليكي أكتر من وسيلة مساعدة , وانتي اللي مش عايزة تفكري كويس .
سابعاً : قصدي واضح جداً يا دكتورة . يعني هيعرف أنا مين ولا مش هيقدر يعرفني هو كمان .
كل دا ولسه معرفتيش أنا مين ؟!!
حضرتك لخبطني اكتر وبالنسبة لردي الطويل وعلى كل كلمة دا العادي ومتعلمتوش من حد خصوصا لما يكون متوجهلي نقد بقبله وبرد عليه ومش مجرد رغي فاضي
ردحذفوهرد بالترتيب بردو
أولا: مش معنى اني قلت دا هزار انه يكون مع حضرتك انا طبيعتي بحب اتكلم بمرح ومعتقدش ان الكلمة عيب
وواضح فعلا ان حضرتك حد مضايق مني من غير ما تقول ومتهيألي كلمة عدو دي كبية شوية بس حضرتك أدرى
ثانيا: انا مش شايفة ان اللي قلته تعصب أعمى وتحيز شديد بدليل اني بقبل الرأي المخالف زي مانا قبلت رأي حضرتك ومش معنى إني قبلته إني اقتنعت بيه
والتعصب الأعمى معناه إني مقبلش رأي غيري
أما عن عدم وضوح معالم اقالة طنطاوي وعنان فبالنسبالي وضحت
وأنا لاأكتب كلمة يحسها قلبي قبل أن أمررها على عقلي
ثالثا: ؟؟؟ !!!
رابعا: اللي فهمته ان حضرتك مش الشخص اللي كنت بسأل عنه أصلا ومش عارفة كومنت حضرتك الاولاني دا كان بمناسبة ايه اصلا وبتتكلم عن ايه وسنة ونص ايه اللي بتقول عليها
اذن عندي في المدونة اتنين مجهولين عموما انا مش بحب كدا واللي مش عاوز حد يعرفه انا مش عاوزة اعرفه
خامسا: ربما حضرتك جيت المدونة دي غلط اصلا وتقصد حد تاني غيري
سادسا: حتى لو عرفت مين حضرتك مش هقول على فكرة لو حضرتك عاوز تعرف نفسك براحتك
سابعا: اعتقد ان ولا حضرتك تعرف استاذ طاهر ولا هو يعرفك وممكن مجرد تشابه اسماء
السلام عليكم
جيت المدونة بالصدفة ........ أه
حذفلكن دخلت غلط ...... لاء
وعارفك يا دكتورة وعارف طاهر ( وهو طاهر اللي أنا أقصده )
أنا مضايق منك يا دكتورة ؟!! استنتاج أو احساس خاطئ تماماً.
مفيش في ردودي كلها ما يبين أو يدل علي ضيقي منكِ أبداً .
ولو كنت مضايق منك , كنت دخلت بإسمي .
ظلمتيني يا دكتورة ! بس أنا مسامحك .
مفهومك للتعصب الأعمي والتحيز الشديد مفهوم غير مكتمل .
واضح انك انتي اللي اتضايقتي من عدم معرفتي حتي الأن . وكويس كدا جداً واقتكري جملتك ( اللي بنعمله في الناس هيطلع علينا ولا ايه )
فاضلك شوية يا دكتورة وتوقفي عضويتي في مدونتك .
بس يا خسارة , أنا مش داخل بعضوية علشان تتوقف !
اوعي يكون فيه هنا كمان حظر للأيبي !!
لسه مش عارفاني يا تريكاوية يا صعيدية ؟!
فين عزومة الصعايدة اللي كنتي قايلة ليا عليها قبل كدا ؟!
هو دا كرم الصعايدة ؟!
يا رب تكوني نجحتي في اعدادي طب وجبتي امتياز .
بالمناسبة : فين أخر رسوماتك لأبو تريكة ؟
تحبي المرة القادمة أوقع بإسمي , ولا مش عايزاني أدخل تاني ؟
هههههههههههههههههه أنا تقريبا كدا عرفت ^ــ^
ردحذفمستر علي
على فكرة بجد آسفـــــــــــة
وربنا حضرتك جيت في بالي وقلت دا اسلوب حضرتك بس بعدين قلتلي منتدى ايه وبعدت تفكيري خالص عن اي حد عرفته من البوابة
حقيقي اسفة جدا التمسلي عذر انا اتلخبط وافتكرتك حد بكرهه
وبجد حضرتك منور يا مستر :)
هههههههههههههههه
ردحذفأخيراً
هو أنا بقيت معروف بوقف العضوية وحظر الأيبي وبس ؟!!!!!!!!!
أسفة ؟؟ دا انا كنتي بعد شوية هتضربيني بالروسية .
أنا مغيرتش أسلوبي في الكلام وقلت لما أشوف بتوع طب هيشرحوا الكلام كويس ولا لاء .
أنا سألتك منتدي ايه وانتي لم تجيبي . وبعدين أنا مش عضو هناك ودا من مدة وانتي عارفة كدا . أنا في منتدي أخر الأن . وانتي مش مشتركة فيه .
هو انتي بتكرهي حد من البوابة يا آلاء ؟
قوليلي هو مين وأنا أطخه عيارين حالاً . هههههههههه
وطالما انتي بقيتي سياسية كبيرة واخوانية متعصبة للاخوان , ليه مش بتخصصي موضوعات سياسية هنا علشان يكون فيه مساحة أفضل للحوار ومتجيش علي حساب القصيدة ؟
يعني ليه متوسعيش من مضمون مدونتك ؟
مجاوبتيش علي سؤالي : عملتي ايه في الدراسة السنة دي ؟
وفين أخر رسومات أبو تريكة ؟ ولا بطلتي ترسميه وبقيتي ترسمي رئيس الجمهورية ؟
المدونة منورة بيكي ( مع اني مشفتش عزومة لحد دلوقتي ) هههههههه
ههههههههه بردو هرد الترتيب وعلى كل كلمة ^ــ^
ردحذفانا مش عرفت حضرتك عشان كلمة حظر والله انا عرفت حضرتك أول ما قلتلي يا صعيدية واتأكدت لما سالتني عن رسمة تريكة والعزومة
ههههههه لالا متوصلش للروسية انا بس افتكرتك حد من سني وبيستهبل وانا مسمحش لحد من سني يكلمني كدا ^ــ^
مانا عارفة ان حضرتك سبت المنتدى وانتم السابقون ونحن اللاحقون انا كمان سبته بس كان قصدي يعني ان حضرتك حد عرفته من بوابة الثانوية فلما قلتلي منتدى ايه لت يبقى مش عارفه
لالا مش بكره حد من البوابة هههههههه دا حد فيه بيني وبينه عداء سياسي كبير جدا وافتكرت انه دخل يكمل خناقة على مرسي هنا :d
انا ممكن اعمل مدونة خاصة بالموضوعات السياسية وانا فعلا بقيت اخوانية ^ــ^ بس اصل المدونة دي بكتب فيها اشعار ومش عوزاها تبقى ملخبطة
وبالنسبة للسؤال انا قلت اعمل نفسي مخدتش بالي هههههههههه احم الحمد لله نجحت بس جبت جيد .. وبلييييييز بلاش تهزيق عشان امتحاناتي كانت ايام الانتخابات وانا كنت شغالة في الدعايا ومتعفرتة بالسياسة :D
مين سمعك يا مستر اه والله رسمت مرسي هههههههه
وانا قلت لحضرتك بس تعالى واحنا ندبحلك ..... أرنب .... ههههههههههههههه
بس حقيقي سوري جدا بس على فكرة حضرتك لخبطني لاني عمري ما اتكلمت مع حضرتك في السياسة وفاكر انك بتسهلها عليا بس وربنا في الاول خالص حضرتك جيت في بالي وخفت اقول يطلع غلط
بس انا والله سعيدة جدا اني شفت حضرتك تاني :)
اه العزومة اللي عايزاها تصفي علي أرنب !!!
ردحذفتدبحي عجلين يا آلاء وتعزمي طاهر ييجي معايا .
انتي سبتي البوابة ؟!!! المثل بيقول ( ما يفضل علي المداود إلا .... )
عداء سياسي كبير جداً ؟!! انتي بقيتي سياسية للدرجة دي ؟!!
يبقي أكيد دا واحد ضد الاخوان .
طيب يا آلاء ما أنا لا أعترف لا بإخوان ولا سلفيين ولا جماعة اسلامية ولا أنصار سنة ولا أي جماعة اسلامية لها أي مسمي أخر . المسلمين جماعة واحدة ( بس مفش هنا مجال علشان أوضح ليكي كويس )
بقيتي اخوانية وساكتة علي نفسك ليه ؟ اكشفي عند دكتور كبير من اللي عندك في الكلية . ربنا معاكي يا آلاء وقادر علي كل شيء .
بس انتي لازم تاخدي بالأسباب .
جيد يا آلاء ؟!! عذرك مش مقبول يا آلاء . الفرض اللي عليكي هو انك تذاكري دروسك كويس جداً وتنجحي بتفوق يتناسب مع عقليتك ( الدراسية طبعاً ) ولازم تعوضي التقصير دا السنة الحالية .
يا آلاء , عودي نفسك علي عدم التحيز لشخص بصورة دائمة . تعاملي مع الفعل والحدث . إن كان صواباً أيدناه بحدود , وإن كان خطأ انتقدناه وقومناه بحدود تتناسب مع الخطأ .
ولا تقحمي الاسلام في حواراتك مع من يختلفون معكِ سياسياً بصورة دائمة , فيبدو الأمر وكأنه حوار أنبياء وأخرون يرفضونهم .
نحن نتعامل مع سياسيين ولا نتعامل مع علماء الدين ( وأيضاً هؤلاء يُؤخذ منهم ويُرد عليهم )
دي نصيحة مني ليكي لأن الغالبية تقع في هذا الخطأ الجسيم .
هو انتي كنتي شفتيني أولاني لما تشوفيني تاني !! ههههههههههه
أنا اللي سعيد جداً اني عرفت مدونتك بالصدفة .
بالمناسبة يا آلاء
ردحذفإذا كنتي بتتكلمي أو بتتواصلي مع ( نقاء - أية عطية - هبة نبيل - رحيق ) بلغيهم سلامي كتير وتمنياتي ليهم بالتوفيق والسعادة .
ههههههه ماشي يا مستر ادبحلك ارنبين زي ما قلت ^ــ^ وييجي طاهر ينور ارنب ليك وارنب ليه
ردحذفيعني ايه المداود بقى؟ ^ــ^
هههههههه لا فيه ناس بتكون ضد الاخوان بس بحدود النقد .. لكن لما واحد يتعدى حدود النقد وتوصل لقلة الأدب دا اللي مقبلوش ومش ضد الاخوان دة ضد الاسلاميين عموما وضد اي حد يخالفه الرأي
يعني أنا مثلا شابفة حمدين دا انسان منافق وخائن واتخدعنا فيه ودا طبعا من افعاله مش يوم ما اعلق على تصرف من تصرفات حمدين انا وزمايلي ييجي واحد مش محترم يغلط فينا لانه يكاد يعبد حمدين (لا اله الا الله .. استغفر الله العظيم))
وعموما انا اللي خلاني اقول انا اخوانية لما لقيت ناس كتير بتظلم الاخوان وتبالغ في الشتيمة عليهم فقلت طب بالعند انا اخوانية .. لكن واقعيا أنا (( إسلامية )) يعني سلفية على اخوانية ومع اي حد يتصرف صح ويرفع راية تطبيق الرشيعة والدين
وعلى فكرة الاخوان جماعة تستحق ان نفخر بها
ههههه معلش يا مستر انا عارفة اني مقصرة وبصراحة الجيد دي على قد مذاكرتي انا كنت ليل نهار مشغولة بالسياسة وان شاء الله ناوية السنة الجاية اهتم بمذاكرتي هههههههههههه بس احلى ما في الموضوع لما قلتلي عقليتك ورجعت كتبت ((الدراسية طبعا)) هههههه وصلت الرسالة شكرا
صدقني يا مستر انا عمري ما كنت منحازة لصالح شخص بعينه بس احيانا الشخص دا بيمثللي قدوة من مجموعة تصرفااات ملتني اعجاب وانا لما بقول بحب شخص معين انا اقصد بحب تصرفاته زي تيكة مثلا ^ــ^ وصدقني انا مش بمشي ورا شخص بدون تفكير ولو كان الظاهر لك هذا لكن التصرفات هي اللي بتتحكم في اعجابي
وانا شايفة ان لا انفصال ابدا ابدا ما بين الدين والسياسة لأن السياسة دي جزء من الدين وربنا نزلنا تشريعاتها فطبيعي اتكلم بيه علطول لان الدين هو اللي بيخليي أميز ما بين الصح والغلط
واذا كان غيري مش مقتنع باحتواء الاسلام للسياسة او مش مقتنع بان الاسلام دين ربنا اصلا فدا عيب فيه مش فيا انا
وعلى فكرة انا مش تفكيري في السياسة مغلق أو اعمى اللي هو عاوزة اطبق الدين وخلاص أيا كانت تأثير دا انا مقتنعة بالتدرج في هذا يعني من الاخر زي ما قال مرسي
ــــــــــــــــــــــــــــــ
انا بتواصل مع نقاء فقط صديقتي الصدوقة بنتكلم فون وياهو وهوصللها سلامك .. الله يسلمك :)
أرنبين ؟!! أسافر للصعيد علشان أرنب ؟!!!
ردحذفواضح كرم الصعايدة جداً . دا انتي حتي كدا مسرفة خالص !!
كما تقولون عنهم في حمدين ... هم أيضاً يقولون عنكم في مرسي وحازم وغيرهم .
مين جاب سيرة فصل الدين عن الدولة ؟!
الجملة دي بقي يستخدموها كتير جداً علشان يتستروا خلفها في فعل كل ما يروق لهم . والسعي وراء المناصب والاستحواذ عليها بشتي الطرق والوسائل ليس من الاسلام في شيء .
ولا يصح أبداً يا آلاء أن نقول اسلاميين . فماذا يكون من يختلفون معهم ؟ غير اسلاميين وكارهين للاسلام . من الذي منحنا أن نشق علي صدور الناس ونصنفهم بإسلاميين وغير اسلاميين ؟!
هل توزيع المنتجات الغذائية في أوقات الانتخابات هو عمل من الاسلام ؟ كذب والله كل من يدعي أنه من الاسلام وأنه مساعدة للمحتاجين . فلماذا لا أراهم يداومون علي هذه المساعدات طوال العام ؟!! العمل في الاسلام يا دكتورة لابد وأن يكون خالصاً لوجه المولي عز وجل .
هات لي من كتاب الله عز وجل أو سنة رسوله الكريم صل الله عليه وسلم ما يفيد وجود جماعات اسلامية .
أنتي تفتخرين بالاخوان , أما أنا فلا أفتخر بهم ولا بغيرهم . تريدين مني أن أفتخر بمن قالوا أنهم لن يأخذون أكثر من 25% من مقاعد مجلس الشعب , فإذا بهم يستحوذون علي أكثر من 40% ؟!
تريدين مني أن أفتخر بمن وعدوا الجميع علي شاشات كل الفضائيات بعدم الترشح لرئاسة الجمهورية لمدة دورتين , ثم يتقدموا بإثنين ؟!! اياكِ أن تقولي أن هذه هي السياسة وتغير المواقف ولا شأن للدين بذلك . فتكونين أنتي من قام بفصل الدين عن السياسة لا أنا !!
متخلنيش أسترسل في الكلام دا .
بس عايز أسألك سؤال فكري فيه كويس بينك وبين نفسك .
لماذا في الأمور التي تحتاج إلي مساحة واسعة نحصر أنفسنا بين أمرين فقط ؟
حكم عسكري ... دولة دينية
حزب وطني ... جماعة الاخوان
بتحبني ... بتكرهني
معايا ... ضدي
صديقي ... عدوي
ولماذا في الأمور التي تحتاج إلي حسم وحزم نلجأ فيها إلي المهادنة والموادعة ؟!
ولماذا اختفي كل هذا وغيره مما يتردد الأن علي الساحة السياسية وقت ثورة يناير , ولكن وقت المناصب ظهر كل شيء وكل فصيل علي طبيعته ؟
معني المداود : هي الشيء الذي يقدم فيه الطعام للمواشي .
والمثل بيقول ( ما يفضل علي المداود إلا شر البقر )
((كما تقولون عنهم في حمدين ... هم أيضاً يقولون عنكم في مرسي وحازم وغيرهم .))
ردحذفميهمنيش الناس تقول ايه المهم تصرفاتي بتقول ايه .. وطبعا انا مش ممكن اكون كدا من ناحية مرسي بدليل ان فيه ناس كتير بتنقده قدامي وبتناقش معاهم بهدوء
لكن لما الواحد يبقى شايف حمدين بيغلط وعارف ومقتنع انه بيغلط ومش لاقي رد على كلامنا غير الشتيمة يبقى هو دا اللي يتقال عنه كدا
وبعدين اعتقد انه مش عيب اني احب شخص في الله واحبه فقط لانه يطيع ربنا
ــــــــــــــــــــــــــــــــــــــــــــــــــــــ
((مين جاب سيرة فصل الدين عن الدولة ؟!
الجملة دي بقي يستخدموها كتير جداً علشان يتستروا خلفها في فعل كل ما يروق لهم . والسعي وراء المناصب والاستحواذ عليها بشتي الطرق والوسائل ليس من الاسلام في شيء .
ولا يصح أبداً يا آلاء أن نقول اسلاميين . فماذا يكون من يختلفون معهم ؟ غير اسلاميين وكارهين للاسلام . من الذي منحنا أن نشق علي صدور الناس ونصنفهم بإسلاميين وغير اسلاميين ؟!))
أغلب اللي ضد مرسي بيطالبوا بفصل الدين عن الدولة ومشكلتهم ان مرسي اسلامي
اعتقد اني لا اتفق مع حضرتك في انهم بيستخدموا الدين وسيلة لمطامعهم لان أي حد عنده لحية ومتدين في عهد مبارك لو فكر بس يتدخل في السياسة حضرتك عارف طبعا بيحصللوا ايه ودة اللي حصل لجارنا اطيب راجل عرفته واللي حصل لغيره كتير اعتقال بالسنين
والله مش احنا اللي بنصف يا مستر علي دا اسلامي ولا لاء بس انا ضربت لحضرتك مثال للفرق بين الاسلامي والغير اسلامي في عهد مبارك وكمان مش احنا اللي بنقول الناس دي مش مسلمة او كارهة للاسلام هم اللي بيطلعوا يقولو لا للاسلاميين ولا للتيار الاسلامي واحنا مش اسلاميين والدين ملوش دعوة بالسياسة واحنا علمانيين او ليبراليين أو أو يبقى مش احنا اللي قلنا بس دا الواقع ولو حضرتك مش حابب ان اللي يسعي لتطبيق دين الله انه يكون اسمه اسلامي فهو بالفعل اسلامي
وشرذمة قليلة سواء في الاخوان او السلف بيستخدموا الدين غلط انا مع حضرتك بس مش الاغلبية والحمد لله ربنا اختارلنا رئيس بيستخدمه صح
ــــــــــــــــــــــــــــــــــــــــــــــــ
((هل توزيع المنتجات الغذائية في أوقات الانتخابات هو عمل من الاسلام ؟ كذب والله كل من يدعي أنه من الاسلام وأنه مساعدة للمحتاجين . فلماذا لا أراهم يداومون علي هذه المساعدات طوال العام ؟!! العمل في الاسلام يا دكتورة لابد وأن يكون خالصاً لوجه المولي عز وجل . ))
مشفتش بعيني دا حصل وياما طلعت عليهم اشاعات .. والفيديو اللي شفته عن الموضوع دا كانت واضحة الفبركة فيه وضوح الشمس
وبعدين اذا كان دا خطأ فهو خطأ لا يكاد يذكر قصاد اخطاء المنافسين .. وكمان مين قال لحضرتك انهم مبيعمولش خير بدون مصلحة؟؟ بلاش تعمم احكامك بدون دليل يا مستر
ـــــــــــــــــــــــــــــــــــــــــــــــــــــــــ
((هات لي من كتاب الله عز وجل أو سنة رسوله الكريم صل الله عليه وسلم ما يفيد وجود جماعات اسلامي))
إذا كان دا واقع الاحزاب ودا بيتطلب تعاون جماعي .. يعني حضرتك اشمعنى معترض على جماعة الاخوان ومش معترض على اي ائتلاف تاني يدعو لعلمانية او غيره .. ماحنا لما نطبق الشريعة الكل هيتوحد باذن الله
وهو ايه من الدين بيحصل دلوقت عشان جايين على دي وتعترضوا يعني ((غير مبررة ^ــ^))
ـــــــــــــــــــــــــــــــــــــــــــــــــــ
أنتي تفتخرين بالاخوان , أما أنا فلا أفتخر بهم ولا بغيرهم . تريدين مني أن أفتخر بمن قالوا أنهم لن يأخذون أكثر من 25% من مقاعد مجلس الشعب , فإذا بهم يستحوذون علي أكثر من 40% ؟!
ردحذفتريدين مني أن أفتخر بمن وعدوا الجميع علي شاشات كل الفضائيات بعدم الترشح لرئاسة الجمهورية لمدة دورتين , ثم يتقدموا بإثنين ؟!! اياكِ أن تقولي أن هذه هي السياسة وتغير المواقف ولا شأن للدين بذلك . فتكونين أنتي من قام بفصل الدين عن السياسة لا أنا !! ))
اللي قاله بالظبط محمد سعد الكتاتني قررت الجماعة مش هنسيطر على اغلبية في مجلس الشعب ((اغلبية اغلبية اغلبية))
أما عن قرار ((وليس وعد)) بعدم ترشيح رئيس
فحضرتك القرار دا اتلغى بعد مرور سنة ونصف من احتلال المجلس العسكري ولعبه بينا
ومن حقهم وليس عليهم أي حرج أن يلغوا هذا القرار متى شاءوا ولو الشعب مش عاوزهم ميخترهمش انتو زعلانين ليه .. انتو عاوزين تحرموهم من حقهم هل هناك قانون بيمنعهم ؟ لاء وهل الدين يحرم ذلك؟ بردو لاء لان ببساطة مجريات الحياة بتتغير وحصلت احداث كتير ومش مطلوب منهم يفضلوا جامدين يتفرجوا
أما عن رأيي الشخصي الاخوان أحق الناس بالحكم .. اقرا حضرتك تاريخ مرسي واعتقالاته وبهدلة ولاده لمجرد انه بيقول كلمة حق في وش نظام مستبد
طول عمرهم متبهدلين وانتو تقولو عاملين الدين وسيلة للمصالح الشخصية والاستفادة
أين الاستفادة من الدين في زمن قال عنه الرسول القابض على دينه كالقابض على جمر
طول عمرهم بيقولو لمبارك لاء واحنا نايمين في العسل طول عمرهم مسجونين
زميل اختي في طب اسنان أكبر من زمايله بعشر سنين .. عارف حضرتك ليه؟؟ مش عشان ساقط ولا فاشل دا بس عشان هو اخواني قضى 10 سنين من عمره في المعتقل ودخل طب اسنان وهو اكبر من زمايله بعشر سنين
كل دا عاوزينه يروح هدر .. والله انهم لاحق الناس بالحكم ولهذا جزاهم الله
العلمانين قالوا حمدين الفلول قالوا شفيق الشباب قالوا ابو الفتوح السلف قالوا حازم الاخوان قالوا الشاطر وربنا قال مرسي
وانا كلي ثقة في ربنا
وحتى لو كان الاخوان كما تدعون انهم كذابين فكذبهم على أنفسهم ويكفي نيتنا الصالحة قصاد ربنا عشان ينصرنا ((إن الله لا يغير ما بقوم حتى يغيروا ما بأنفسهم))
ــــــــــــــــــــــــــــــــــــــــــــــــــــــ
((بس عايز أسألك سؤال فكري فيه كويس بينك وبين نفسك .
لماذا في الأمور التي تحتاج إلي مساحة واسعة نحصر أنفسنا بين أمرين فقط ؟
حكم عسكري ... دولة دينية
حزب وطني ... جماعة الاخوان
بتحبني ... بتكرهني
معايا ... ضدي
صديقي ... عدوي ))
اسئلة بسيطة وهجاوب .. أولا دولة دينية لاننا بالفعل عاوزين دولة دينية مدنية مش دولة علمانية ودة بصوت الشعب وانزل الشارع اسال الناس وشوفهم عاوزين ايه
أما عن حزب وطني وجماعة الاخوان فاللي انتخب شفيق في الجولة الاولي هو اللي حصر الناس بين الاتنين دول ورد الله مكرهم عليهم
ــــــــــــــــــــــــــــــــــــــــــــــــــــــــــ
((ولماذا في الأمور التي تحتاج إلي حسم وحزم نلجأ فيها إلي المهادنة والموادعة ؟!))
سؤال محتاج توضيح
ـــــــــــــــــــــــــــــــــــــــــــــــــــــــــ
((ولماذا اختفي كل هذا وغيره مما يتردد الأن علي الساحة السياسية وقت ثورة يناير , ولكن وقت المناصب ظهر كل شيء وكل فصيل علي طبيعته ؟))
لأن اصول الناس بتبان والمنافق بيبان
والحمد لله كله بان
ومرسي بيوضح كل تصرف بيعمله في خطاباته بس اللي يركز فيها ويفهم هو بيلمح على ايه .. مرسي دا ذكي جدا وقائد ناجح ما شاء الله عليه ربنا يحفظه
واسفة على الاطالة حضرتك اللي اضطرتني لكدا ^ـــ^
كل دا رد ؟!! معظمه يا آلاء بيوضح بصورة كبيرة مدي تحيزم وتعصبك وتسرعك أيضاً . فقد لاحظت بعض الكلمات لا يجب أن يقولها مسلم لمسلم أخر من نفس بلده ! هرد عليكي نقطة نقطة ( انتي اللي جبتيه لنفسك )
ردحذف- أنا لم أتحدث مطلقاً عن أخطاء الرئيس ( مع وجودها بالطبع ) ولم أتحدث عن تقييم أدائه خلال الفترة السابقة ( فمازال الوقت مبكراً كي نكون رأي في الرئيس ومدي صلاحيته ويكون هذا الرأي مبني علي وقائع ملموسة . حتي الأن له حسنات وله أمور تحتاج إلي تفسيرات كي تتضح . ولا يجب أن نخلط بين رئيس الجمهورية وبين جماعة الاخوان حتي وان كان الرئيس منتمي لها . وهذا ما أجدكِ تفعلينه !
حبك لشخص ما في الله شيء ورئاسة الدولة أو تولي أي مسئولية فيها شيء أخر تماماً ويجب الفصل بينهما ( العاقل والحكيم من يسير بهذا المبدأ ) نحن نتحدث عن سياسة وسياسيين ولا نتحدث عن علماء دين أو فقهاء أو أئمة مساجد . لا يجب الخلط بين هذا وذاك .
حينما تختلفين مع شخص ما في أمر سياسي , لا تقحمي الدين الاسلامي فيه اقحاماً في غير موضعه الصحيح , فيبدو خلافه معكِ وكأنه خلاف مع الاسلام ومباديء الاسلام , بينما الحوار هو حوار سياسي وليس ديني . ولا تقولي لي ( فصل الدين عن السياسة ) وسأضرب لكِ مثلاً وقع من الاخوان , بل من الرئيس نفسه .
مجلس الشعب سبق وأن رفض طلب حكومة الجنزوري بلإقتراض من صندوق النقد الدولي وقال الدكتور مرسي وقتها بأن هذا قرض ربوي ( إذاً فسبب الرفض هو ديني بحت ) . الأن نري حكومة هشام قنديل تسير في اجراءات هذا القرض ورئيس الدولة هو الدكتور مرسي , ورأينا تصريحات لحزب النور وغيره تُبيح هذا الاقتراض وبأنه لا علاقة له بالربا !! فماذا يفهم المواطن المصري من هذا التناقض الواضح جداً في أمر واحد فقط تم تناوله دينياً بطريقة متناقضة ؟!!
- مازلتي ترددين مقولة اسلامي وغير اسلامي !! هذا خطأ ووزر كبير فلا تقعي فيه ولا ترددين ما يردده غيرك لمجرد أنهم وضعوا هذه التصنيفات !! قولي ملتزم دينياً وغير ملتزم دينياً .
أما غير اسلامي ... فماذا يكون ؟!! أنتي بذلك حكمتي عليه باعتناقه أي ديانة أخري غير الاسلام !!! لا أريدك يا آلاء أن تقعي في مثل هذا الخطأ وتتمسكي به .
أنا أول من يريد تطبيق الشريعة الاسلامية , ولكن علي غير هوي الاخوان أو السلفيين أو أي جماعة أخري . أريد أن يتم تطهير الأزهر واصلاحه جيداً وأن يتولي هو أمر تطبيق الشريعة الاسلامية .
أريد تطبيق شرع الله وليس تطبيق شرع الاخوان أو غيرهم من الجماعات الدينية . ولو لم يكن يوجد بينهم خلافات واختلافات كبيرة , لكانوا جماعة واحدة فقط وهذا أمر بديهي لكل ذي عقل منزوع منه الهوي !!
بردو بتقولي ربنا اختار لنا رئيس بيستخدمه صح !! فين المدة الزمنية التي تسمح لنا أن نحكم فيها بصورة واقعية ونردد ما تتوهمينه حتي الأن ؟!! ما هي الأمور الدينية والاسلامية التي قام بتطبيقها الرئيس منذ توليه الرئاسة وحتي هذه اللحظة حتي أقول بما قلتيه ؟!! ما الذي استندتي عليه في قولك هذا غير التحيز والتعصب فقط ؟!! هذا مما يساعد علي صنع فرعون جديد !!
ليست شرذمة قليلة من الاخوان أو السلف أو غيرهما من الجماعات الدينية هم من يستخدمون الدين بصورة خاطئة وإلا ما كان هذا هو حال مصر وشعبها !! كما أنني لا أتحدث عن رجال الدين . أنا أتحدث عن السياسة والسياسيين .
- انتي لم ترين ولكن غيرك رأي . والاخوان أنفسهم اعترفوا بهذا الأمر وتمسكوا به وادعوا أنه خير !!
توزيع المنتجات الغذائية وقت الانتخابات فقط يا آلاء لا يعني إلا أن هذا الأمر لمجرد المصلحة فقط ( هذا أمر بديهي جداً ولا يحتاج إلي دليل ) فمن يأخذون هذه المنتجات الغذائية لا يرون من الاخوان أي شيء بعد انقضاء الانتخابات !! فهل هذا نسميه عمل لوجه الله تعالي ؟!! هل هذا هو عدم التحيز وعدم التعصب ؟!!
العمل الخالص لوجه المولي عز وجل يكون بلا غرض أخر غير طلب الرضا من الله سبحانه وتعالي واقرأء خواتم سورة الكهف لتتأكدي مما أقوله .
يعني ايه خطأ لا يكاد يُذكر أمام أخطاء المنافسين ؟!!
هل هذا من الاسلام أم لا ؟!! انتي بهذا تفعلين مثل الاخوان تماماً . وقت أن يحلو لهم أن يفصلوا الدين عما يقومون به , يفعلون ذلك . ووقت أن يقحموا الدين اقحاماً فيما يريدون فعله , يفعلون ذلك أيضاً !! يقولون عن أنفسهم اسلاميين , وهذا الفعل الاسلام بريء منه !! ولا يكتفون بهذا , بل يبررونه .
ويذكرني فعلم هذا ببيت الشعر :
صلي وصام لغرض كان يطلبه .... فلما انقضي , لا صلي ولا صام !!
- لما أقولك هات لي من الدين , تردي عليا وتقولي غير مبرر !!
سبحان الله ولا حول ولا قوة إلا بالله . يعني لما المولي عز وجل يقول لنا في كتابه الكريم ( واعتصموا بحبل الله جميعاً ولا تفرقوا ) صدق الله العظيم . وخلي بالك كويس اوي من ( ولا تفرقوا ) . أقوم أرد وأقول غير مبرر ؟!! وهو ايه من الدين اللي بيحصل دلوقتي ؟!! دا رد يا دكتورة منطقي وعقلاني بعد تفكير وتروي ؟!!
يُتبع الرد علي الجزء الثاني
وانا كمان هرد بردو ^ـــ^
ردحذفبس عندي تعليق صغنن كدا ((مبحبش لما اكون بتناقش مع شخص في موضوع سياسي يقوم بدل ما يرد في الموضوع يقوللي انتي فيكي وفيكي )) مانا كان ممكن اقول ان حضرتك متعصب او متحيز لكره الاخوان
وأكييد لما هنتكلم عن جماعة الاخوان هنذكر ان الرئيس طلع منها لان دا اللي حصل وشئ لا يمكن أن نغفله
أعلم أننا نتحدث عن سياسة وسياسيين وليس إمام مسجد وأنا أرى أن السياسة جزء من الدين وأرى أن مرسي رجل سياسي متدين ناجح
وبردو احنا بندور حول نفس النقطة وهي علاقة الدين بالسياسة وحضرتك ترفض الربط التام في كلامي بينهما
دكتور محمد مرسي وضح قبل كدا كتير إنه هيطبق الشريعة كاملة ولا يترك منها شئ ولكن بالتدريج وضرب أكثر من مثال من سياسة الرسول وطريقته في الحكم على الأمور
زي ما ربنا قال (لا تقربوا الصلاة وأنتم سكارى) .. وبعدين قال (إنما الخمر والميسر والانصاب والالزام رجس من عمل الشيطان فاجتنبوه)
وعلى فكرة كلمة إسلامي غير كلمة مسلم وبتعبر عن الاتجاه الاسلامي في السياسة خصوصا وليس كل المسلمين اتجاههم اسلامي
حضرتك بتقول شرع اخوان وشرع ساف والكلام دا خطير جدا .. يعني حضراتكو عاوزين ملاك من السما ينزل يطبق الشريعة؟؟ من الاقرب للشريعة من كل اللي كانوا مرشحين ماحنا لو قلنا حازم هتقولو شريعة سلف لو قلنا مرسي تقولو شريعة اخوان نجيبلكو مين طيب واحد ملوش انتماء هتقولو دي شريعته الخاصة
ماشي مختلفناش الكل بيطالب بتطهير الازهر ودي خطوة متوقعة جدا من الرئيس محمد مرسي وانا واثقة انه هيعملها
وعاوزة اقول ان شريعة الله معروفة واعتقد حضرتك مشفتش دكتور مرسي عمل حاجة من هواه وقال دي الشريعة
وكمان كل خطاباته بتوضح كيف تكون الشريعة ولا يخلو كلامه من القرآن والسنة واقتدائه بافعال الرسول عليه الصلاة والسلام والصحابة
وحضرتك بتقول لو عندهم عقل مكنوش اختلفوا .. بس دي سنة الحياة وطبيعة البشر كما خلقهم الله ((ولو شاء الله لجعلكم أمة واحدة))
خلينا نضرب مثل بخمس مجموعات اختلفوا عن بعض .. ليه نلوم على مجموعة واحدة فقط اليس الجميع ملام؟
أرى حضرتك تلقى ذنب التفرقة على عاتق الاخوان
خلاص لو حضرتك عاوزنا نتوحد تعالى اتوحد معانا بما ان الاخوان وفكر الاخوان واخد اغلبية الشعب بدل ما تطالبنا نتخلى عن افكارنا ومبادئنا عشان منكونش متفرقين عن غيرنا
^ــ^ عارف حضرتك لسة كنت رافعة صورة عالفيس فيها رد على حضرتك في حتة نصنع فرعون جديد دي ((لان دي الجملة اللي بيرددها كل اللي بيكره مرسي بالاضافة للي كانوا عاجبهم الفرعون القديم وكلامي دا مش من فراغ دا من كل اللي اعرفهم شخصيا))
http://a8.sphotos.ak.fbcdn.net/hphotos-ak-snc6/6085_404696579594341_1539332725_n.jpg
بس لو حضرتك شايف اني تسرعت على رايي في الرئيس فأنا شايفة إني حكمي مش من فراغ وحتى وإن تدرجت أفعاله لكن ما كان منه من أقوال وأفعال منذ توليه الر ئاسة يكفيني كي أثق فيه وإن كان لا يكفيكم .. وكلمة يكفيني معناها يكفيني لأثق فيه وليس يكفي من ناحية احتياجات مصر ولا زلت أنتظر منه ما هو افضل مما كان بكثير
حضرتك واضح في كلامك كونك ضد الاسلاميين هتقوللي لاء انا معاهم وعاوز الشريعة فلاحظ ان حضرتك ترفض كل من قال انا اتجاهي اسلامي وسأطبق شريعة وزي ما قلت كما سبق كأنكم عاوزين ملاك ينزل من السما يطبق الشريعة
مش معنى اسلاميين انهم ملايكة .. ولنقل انهم غلطوا لما وزعوا منتجات غذائية فأنا لا أبرئهم لكن خطأ عن خطأ يفرق والأخوان أقل المخطئين في الساحة
كويس أوي ان حضرتك ذكرت الآية الكريمة ((واعتصموا بحبل الله جميعا ولا تفرقوا)) وانا اكيد كلمة مبرر مكنش ردي على الآية وانما كان ردي على كلام حضرتك
بس حضرتك بتذكر الآية دي في نفس الوقت اللي بتدعوني فيه أكون ضد الأخوان
حضرتك الآن تذكر وتحاول ان تقنعني بمدى سوء الاخوان ((كما تظن)) رغم ان الرئيس من الاخوان ومفروض بدل ما ندعو لفتنة ندعو لتوحد وعمل نساند بيه رئيسنا المنتخب ونترك خلافاتنا جانبا
لو حضرتك كل مشكلتك إني بحب مرسي وبمدحه فأعتقد دة شئ مفيهوش حاجة ولا فيه تعصب ولا تحيز إنما حرية رأي وهو دة رأيي
لا ترددي عليّ ما قاله الكتاتني بشأن انتخابات مجلس الشعب أو رئاسة الجمهورية . فقط شاهدته بعيني وسمعته بأذني وعلي أكثر من قناة فضائية . ما قاله كان وعد وعهد تعهد به أكثر من مرة وبصورة واضحة تماماً لا يوجد بها أي لبس من أي نوع . هم أنفسهم اعترفوا بذلك ولكنهم كما هي عادة قيادات الاخوان الحاليين يقومون بتحليل أفعالهم وفقاً لمصالحهم الشخصية فقط . برروا هذا بحدوث متغيرات سياسية طرأت علي الساحة ولم تكن موجودة وقت هذه التعهدات !
ردحذفإذاً فالأمر سياسي بحت ونزعوا الدين وما تقول به الشريعة الاسلامية في العهود !!
وربما ما لا تعلمينه هو أن الاخوان دخلوا علي مقاعد مجلس الشعب بنسبة 100% ولكنهم حصلوا فقط علي نسبة 41% تقريباً . وسيفعلون نفس الأمر في الانتخابات القادمة .
سبحان الله يا آلاء فيكي وفي أي حد من الاخوان يردد الكلام دا . يعني ايه لا حرج عليهم في الرجوع في قرارهم !! هو أنا أدخل الدين بمزاجي وأخرجه بردو بمزاجي ؟!!
لما أرجع في عهد اتحجج بالسياسة وأترك الدين , ولما غيري يعمل نفس الأمر , أرد عليه بتعاليم الاسلام ؟!!
هذا تطويع للدين وفقاً للأهواء الشخصية !!
نعم الدين يحرم اخلاف الوعود ونقض العهود بمبررات واهية وواهمة تماماً . الاخوان هم من قاموا بترك ميدان التحرير وقت أحداث محمد محمود ومجلس الوزراء .
الاخوان هم ما أيدوا حكومة الجنزوري , وبعد ذلك وقفوا ضدها ( ينظرون للأمر الواحد بطريقتين متضادتين وفقاً لمصالحهم فقط دون النظر لمصلحة الوطن )
وقولي لي ما هي المتغيرات التي استوجبت ترشيح الاخوان في الرئاسة ؟!! من الذي كانوا ينتظرون ترشحه ليساندوه , ثم حدث متغيرات ؟!!
لم يقولوا يوماً بمساندتهم لحازم ولا لأبو الفتوح !!
فمن الذي كانوا ينتظرونه ؟!! لا أحد إلا من داخلهم هم فقط . ولم يحدث أي تغيرات والسبب الوهمي الذي ادعوه بعلمهم بنية حل مجلس الشعب ليس مبرر علي الاطلاق . وإلا فهم طلاب سلطة فقط !! وهم كذلك ( وللصدق والحق فأغلبهم كذلك )
- ايه الكلام دا يا دكتورة ؟!! بهدلة ايه واعتقالات ايه وحقهم في الحكم ايه ؟!! هي تكية وبنوزعها ؟!!
ليسوا هم فقط من ذاق المرار في عهد مبارك ومن سبقه .
ليسوا هم فقط ( والحق أن بعضهم , بل أقلهم ) من وقفوا في وجه الظلم في عهد مبارك ومن سبقه .
معظم قيادات الاخوان الحاليين عقدوا صفقات مع نظام مبارك والكل يعلم ذلك جيداً !!
وحكم مصر ( الرئاسة وغيرها من المناصب ) لا تعطي لمن دخلوا السجون لأن هذا حق لهم !!!
وبتقولي ( كل دا عاوزينه يروح هدر )
لالالالالالا لازم يحكموا مصر ويستحوذوا علي كل حاجة فيها . وكمان اللي يتسجن ويتبهدل في عهد حكم الاخوان , بعد كدا يحق له أن يحكم مصر ويستحوذ علي كل شيء .
فليكن منهج تولي المسئولية في مصر هو السجن والبهدلة شرط أساسي ورئيسي لحكم مصر !!
- ايه المقصود بالأية الكريمة (إن الله لا يغير ما بقوم حتى يغيروا ما بأنفسهم)؟ الله يكرمك فكري كويس قبل ما تردي .
- أسئلتي لكِ لم تكن بالصورة التي جاوبتي علي أساسها رغم طلبي منكِ أن تفكري فيها جيداً قبل أن تجيبي عليها ! ما قصدته بأسئلتي هو أننا أصبحنا علي طرفي نقيض بعد أن كنا وقت الثورة يداً واحدة .
أما الأن فأنت إما معي أو ضدي . وأصبحنا نصنف كل من يختلف معنا بتصنيفات غريبة جداً, ولم نتبع الأسلوب الوسط في التعامل فيما بيننا في أمور تستوجب اتخاذ الوسطية في التعامل من أجل عدم حدوث انشقاقات كبيرة تؤدي إلي أضرار جسيمة علي الوطن !
أنزل الشارع وأسأل الناس هما عايزين ايه ؟!! حد قالك اني قاعد وقافل علي نفسي ؟!!
الناس ( أغلبهم )عايزة عيشة كريمة . عايزين تطبيق المطالب التي قامت الثورة من أجلها ( عيش - حرية - كرامة - عدالة اجتماعية )
- توضيح السؤال الذي طلبتيه :
ردحذفالاخوان تقر بأحقية المرأة والقبطي في الترشح لرئاسة مصر , هل هذا من الاسلام ؟!! لالالالالالالالالالالالالا ومليار لالالالالالالالالالالالالا
ماذا أفهم من منح الجنزوري والمشير وعنان أوسمة ( قلادة النيل - وسام الجمهورية ) وأقوم بتعيينهم مستشارين للرئيس ( وهذا يحمل أعباء اضافية علي خزانة الدولة في الوقت الذي يعاني منه غالبية الشعب المصري من سوء حياته المعيشية ) ؟
أين الاسلام في هذا ؟!!
لماذا لم يقم الرئيس بتطبيق الحد الأدني والحد الأقصي للأجور حتي هذه اللحظة ؟! الأمر مجرد قرار سبق وأن ناقشه مجلس الشعب السابق .
هل تعلمين كم سيوفر تطبيق هذا القرار ؟!!
عندك اجابة أو تفسير منطقي ؟!!
- لست ضد الدكتور مرسي رئيس الجمهورية ( فهو حتي الأن لم يفعل ما يستوجب أن أتخذ موقفاً معايداً له علي الدوام ) ولكني أتعامل معه كرئيس للجمهورية , إن أصاب في أمر , أيدته وساندته . وإن أخطأ في أمر , انتقدته بما يتناسب مع الخطأ .
أنا أتعامل مع الحدث والفعل ولا أتعامل مع الشخص نفسه ( إن كان محبباً لي قمت بتأييده علي الدوام , وان كان غير محبباً لي , قمت بمعاداته علي الدوام )
ليس هذا مبدأي في التعامل أبداً .
- أنتي متحيزة جداً متعصبة تماماً للاخوان . فلم أري لكِ حتي الأن أي انتقاد أو خطأ ذكرتيه عنهم ! فماذا أسمي هذا ؟!!
- دعوا الرجل يعمل ولا تكونوا ملكيين أكثر منه فتسيئون له من حيث أردتم أن تدعموه .
- معلومة صغيرة : أنا انتخبت أبو الفتوح ولم أنتخب غيره في المرتين . ورغم اعجابي الشديد به , إلا أنني أختلف معه في بعض الأمور ولا أؤيده في كل ما يفعل أو يقول .
مبدأيا هحاول أرد سريعا لأنه واضح انه لا حضرتك هتقنعني ولا انا هقنع حضرتك
ردحذفعموما أنا لاأتفق مع أغلب ما قلت
بس هرد على مقتطفات كدا
-الاخوان كانوا بيأيدوا حازم أبو اسماعيل ودا قريته في أخبار كتير وسمعته منهم عشان حضرتك بتقول مأيدوش حد
-مقلتش منهج تولي المناصب السجن والبهدلة كلامي واضح انا اقصد انهم اكتر ناس حاربوا الفساد وباقي اللي قلته حضرتك في الموضوع دا معنديش تعليق عليه غير انه خطأ
-قصدي اسال الناس عاوزين الدولة اسلامية ولا لاء
- الاخوان قالوا من حق المراة والقبطي بس يبقى يقابلونا لو فازو
احنا مش عاوزين فتنة بلا داعي الكل عارف ان حتى لو حد ترشح منهم مش هيفوز
-اقول لحضرتك ليه عينهم مستشارين
عارف يعني إيه يخلي طنطاوي وعنان مستشارين للرئيس ؟؟
دي تأبيده مش تكريم
1) ممنوعين من السفر
2) مربوط بمؤسسة الرئاسة
3) مُلزم بتقديم كافة المعلومات الصحيحة إذا طلب الرئيس مشورتهم
4) في حالة قدم أي معلومة خاطئة يُحاكم عسكرياً
إيه رأيكم في رئيسنا المرسي ؟؟ ^_^
وانا كمان بتعامل مع الحدث ومرسي دا ولا هو خالي ولا قريبي ولا يمتلي بصلة عشان هحبه لشخصه لكن افعاله تخليني احبه
وحضرتك كل كومنت تقول اني متحيزة ومتعصبة للاخوان رغم ان الواضح قصادي ان حضرتك اللي متحيز اووي ضدهم والطبيعي ان لما حضرتك تنتقدهم انا ادافع عنهم ولو حد اتكلم معايا كشخص عاوز رأيي وليس أكثر يعني مش عاوز يقنعني انهم وحشين هتلاقيني بقول مميزاتهم وعيوبهم
ملكيين أكثر منه؟؟ هل رأيت انه ملكي
خلقنا الله احرار و اقبل الا ان اكون حرة وبكااامل حريتي احب محمد مرسي وسأدافع عنه وان تطلب ذلك موتي فهو حاكم بلدي المنتخب وحاميها بفضل الله
وانا لا اعيق عمله على فكرة
وانا بردو هقول معلومة صغيرة: انتخبت ابو الفتوح في الجولة الاولى وفي الجولة الثانية انتخبت مرسي والحمد لله افخر بهذا ربنا هيسألني عن صوتي
ومهما كان الانسان مختلف مع مرسي مستحيل يساوي ما بينه وما بين القاتل المجرم شفيق ومينتخبش الاتنين
هناك أناس يكرهون الاخوان لدرجة أنهم يتمنون أن يعودوا لعبودية حسني مبارك ولا يحكمهم الاخوان
بل هناك أناس يكرهون الأخوان لدرجة أنهم يفضلون أن يحكمهم اليهود ولا يحكمهم الاخوان
اللي يرضى بعميل اسرائيل يرضى باسرائيل نفسها
وانا لا ارى مبرر لهذا سوى انهم يخشون من كلمة اسلامي وتطبيق الشريعة والحجج معروفة لدى الجميع
لنغلق هذا الحوار فيبدو انه لا توجد نقطة توافق بيننا في الرأي السياسي
ـــــــــــــــــــــــــــــــــــــ
منور يا مستر :)
( وحضرتك كل كومنت تقول اني متحيزة ومتعصبة للاخوان رغم ان الواضح قصادي ان حضرتك اللي متحيز اووي ضدهم والطبيعي ان لما حضرتك تنتقدهم انا ادافع عنهم ولو حد اتكلم معايا كشخص عاوز رأيي وليس أكثر يعني مش عاوز يقنعني انهم وحشين هتلاقيني بقول مميزاتهم وعيوبهم )
ردحذفلم أسعي مطلقاً أن أقنعك بأن الاخوان وحشين أو ألا تؤيدينهم . فقط ردودي كانت بناء علي ردودك . وقلت بأننا لا يجب أن نؤيد أحداً بصورة مطلقة ونصنع منه فرعون جديد . بل قلتلها واضحة بأنني لست ضد الرئيس مرسي .
لم أختلق أي حدث مما ذكرته لكِ لكي أشوه في الاخوان أو أن أقنعك بأنهم وحشين كما قلتي .
ولا أري في كلامي كله ما يدعوكِ للغضب إلا أمر واحد وهو ما ذكرته أكثر من مرة وهو التحيز والتعصب للاخوان فقط .
( لنغلق هذا الحوار فيبدو انه لا توجد نقطة توافق بيننا في الرأي السياسي )
لم يكن مستحباً أن تكتبي هذه الجملة . ولو استمعتي لما طلبته منكِ أكثر من مرة بأن تتفكري وتتروي قبل أن تردي , لما كتبتيها .
فحينما قمتي بالرد عليّ وبصورة مطولة في حين أنني قلتها لكِ بأنني لا أريد أن أسترسل في هذا الأمر لأن المجال هنا لا يسمح بذلك . ورغم ذلك حينما رأيت ردك الطويل , قمت بالرد عليه جزئية جزئية مع التوضيح .
أنتي من قمتي بالتعليق علي ردي الأول في الموضوع ولم تعتبريه رأيي الخاص بي . بل علقتي عليه , وبالتالي كان لزاماً عليّ أن أرد عما ذكرتيه .
ولذلك فلم يكن من اللائق أن تكتبي هذه الجملة التي تعني أنكِ بدأتي الحوار وأنهيتيه كما تشاءين أنتي دون وجود أي اعتبار لي .
جزاكِ الله خيراً وهداكِ وهدانا جميعاً لما فيه الخير والرشاد .
في رعاية الله وحفظه وعذراً علي الازعاج .
لا أعرف نظام المدونات
ردحذفولكن لي طلب يا دكتورة إن كان ممكناً لكِ حذف كل مشاركاتي في هذا الموضوع , فمن فضلك احذفيها مشكورة .
خالص تحياتي وتمنياتي لكِ بالتوفيق والسداد
جري ايه بس يا مستر؟ احنا هنزعل ولا ايه
ردحذفانا مش قصدي حاجة والله قلت نغلق الحوار عشان حسيت حضرتك ممكن تضايق من كلامي
وعموما لو حضرتك حابب تكمل دا كان مجرد اقتراح ولك ما تشاء
وحضرتك الكبير بردو ولا ايه؟ ^ــ^ عيب عليا والله حضرتك ضيفي انا بعتذر منك
وبالنسبة لمسح المشاركات حضرتك أؤمر بس الاول ليه بس ؟ خلاص بجد متزعلش سوري
^ـــ^ خلاص بقـــــــــى
عارفة اني لما بتكلم في السياسة ببقى قليلة ذوق بدون قصد وحتى اقرب الناس ليا عارفين اني بتكلم بكل شدة حتى معاهم
بدون استرسال من جهتي في الحديث لأن غضبي الشديد من أخر ردين لكِ , سيجعلني أتحدث بطريقة تتناسب معه ولا أريد أن أنجرف لمثل هذه الطريقة لسببين :
ردحذف- مازلتي صغيرة وتفكيرك مازال قاصراً ولأنني الكبير , فيجب أن أتحمل قدر استطاعتي .
- مازال لكِ عندي بعض الاعزاز برغم طريقتك وأسلوبك وبعض الالفاظ المرفوضة تماماً التي وجهتيها لي .
ورغم نصيحتي لكِ بعدم تصنيف المسلمين لاسلامي ولغير اسلامي , إلا أنكِ واصلتي هذا التصنيف ولم تكتفي بذلك فقط , بل ذكرتي صراحة أنني ضد الاسلاميين , وهو ما يعني أنني ضد الاسلام ( ولا يعنيني تبريرك الفارغ لكلمة اسلامي وغير اسلامي )فكان لزاماً عليكي أن تحترمي رؤيتي لهذا التصنيف ولا توجهينه لي شخصياً !!
لست أنا من يوجه له هذا الكلام ولا هذا الاتهام يا دكتورة . فلدي والحمد لله مكتبة اسلامية بعدد شعر رأسك وقد قرأت أغلبها بفضل المولي عز وجل , بخلاف استماعي وجلوسي مع عدد كبير من المشايخ والعلماء الأجلاء .
ادخلي البوابة وشاهدي كم مشاركة لي تحدثت فيها عن الاسلام وتصديت فيها لكل من يريد أن يشكك فيه . في الوقت الذي كنتي أنتي تتحدثين فيه عن الأهلي وأبو تريكه !!
ولن ترين لي مشاركة واحدة فيها تجاوز مني أو تطاول أبداً أو اتهام لأحد بالكفر .
وانظري أيضاً لتعرفي من الذي كان يتحدث عن نظام مبارك في عز قوته !!
وانظري من الذي كان ضد حكم العسكر منذ بدايته .
انظري واقرأي جيداً فربما تعرفين مع من كنتي تتحدثين .
وأكررها مرة أخري : لولا السببين الذان ذكرتهما , لكان لي رد فعل أخر .
أما عن كوني ضيفك يا دكتورة , فقد وصلني واجب الضيافة .
لو كنت اعلم ان حضرتك لن تقبل نقاشي لما بدأته من البداية
ردحذفبس عاوزة اقول حاجة
لم اعتذر خوفا من رد فعلك انما اعتذرت احتراما لحضرتك وحفاظا على الود
وانا اعلم من تكون لهذا احترم حضرتك كثيرا كما اعلم من اكون لهذا لن ادافع عن نفسي في الاتهامات التي وجهتها لي
كانت اتهامات متبادلة وأخطاء متبادلة وليس لدي أكثر من الاعتذار الذي لم تقبله
في حفظ الله يا مستر
سأظل أقول كلمة الحق وان لم تعجب أحد
ردحذف#رصد| #الغربية| نظم حزب الحرية و العدالة بمدينة طنطا معرضا لملابس و مستلزمات المدارس بسعر المصنع لتخفيفف العبء عن المواطنيين
ردحذفـــــــــــــــــــ
عشان الناس تعرف ان فعل الخير بيتعمل بمصلحة ومن غير مصلحة
زي المساهمة في تجهيز فتيات للزواج
وزي التطوع في اعمال النظافة
والناس تيجي تقول على الاخوان مبيعملوش خير غير عشان مصلحتهم
هم ماسكين البلد دلوقتي ومش محتاجين حاجة من الفقرا
انصفوا يرحمكم الله