أول نظرة

مكنش ليا فيها

ولا بتفرج عليها

فكراها كورة صوف

قلت اجرب واشوف

ماتش القمة الليلادى

واخترت لنفسى نادى

اشجعه وعليه أغير

واشوف لعبه الخطير

فقلت أشجع البيض

وابقى بلعبهم سعيد

بس فن الكبير خطفنى

وعن تشجيعهم صرفنى

وفجأة لقيتنى أهلاوى

وبقيت للحمر هاوى

دة حب لا ارادى

ولا دة لون دم بفؤادى

وكان دة فريق الأهلى

اول مانا جيت ندهلى

بسحره ولعبه ومهارته

وخلاص دة اللى اختارته

والحكاية وأصل البذرة

فى حب من أول نظرة

الأهلى

"الأهلى"



يا خاطف العيون

وسايقهم ع الجنون

وصاحب البطولات

بميت شكل ولون



الناس ازدادو حيرة

ايه سر الجزيرة

فن ولعب ومهارة

مش وراهم غير دى سيرة



هل اللعب الجنان

ولا الجمهور كمان

ولا اسم الاهلى يكفى

ليكون بطل الزمان



أستاذ فوز البطولة

لساهم فى سنة أولى

معرفوش ازاى يا اهلى

الصعب عندك سهولة



الغيرة ملت قلوبهم

ورمو ع التحكيم عيوبهم

وآهو قطر الأهلى ماشى

اكسب وللوهم سيبهم



وأنا مهما اقول واعيد

الكلام عنك مديد

ولا يكفينى مدحك

دانت حبك فى الوريد